நாகை, திருவாரூர் உட்பட 8 மாவட்டங்களில் இன்று கனமழைக்கு வாய்ப்பு இருப்பதாக தனியார் வானிலை ஆய்வாளர் பிரதீப் ஜான் தெரிவித்துள்ளார்.
இதுதொடர்பாக தனது எக்ஸ் வலைதள பக்கத்தில் பதிவிட்டுள்ள அவர், சென்னை, செங்கல்பட்டு, காஞ்சிபுரம், திருவள்ளூர் மாவட்டங்களில் நேற்றிரவு குளிர் இருந்ததாக குறிப்பிட்டுள்ளார். மேலும், நாகப்பட்டினம், திருவாரூர், புதுக்கோட்டை கடற்கரை பகுதி மற்றும் ராமநாதபுரத்தில் இன்று கனமழைக்கு வாய்ப்பு இருப்பதாக பிரதீப் ஜான் தெரிவித்துள்ளார்.
அதேபோன்று, தூத்துக்குடி, கன்னியாகுமரி, தென்காசி, திருநெல்வேலியிலும் இன்று கனமழை பெய்யக்கூடும். மேலும், விருதுநகர் மற்றும் தேனியின் ஒரு சில பகுதியிலும் இன்று மழைக்கு வாய்ப்பு உள்ளதாக தெரிவித்துள்ளார்.
